Wilde vere

<p>Pop se hande staan vir min verkeerd, maar op die vooraand van haar vyftigste<br>verjaardag is sy moedeloos en bemoerd. Sy is ’n vreemdeling vir haarself en almal<br>soek ’n hap van haar. Haar dobbelverslaafde man, Jan, niksnut van ʼn seun, Evan,<br>die verarmde kleinhoewe en die versorging van haar hoenders druk swaar op haar<br>skouers.<br>Dan kom Evan terug ná ’n verkwiste gap-jaar in Engeland saam met Sue, sy<br>swanger meisie van Indonisiese afkoms. Twee agtereenvolgende tragedies laat hul<br>wêreld aan skerwe spat en boonop is ’n opgesmukte geldskieter op Pop se spoor.<br>Wanneer Sue haar wortels in Bali gaan soek, besluit Pop om ook sin van haar eie<br>lewe te gaan maak op dié eiland van die gode. Sal Evan alleen staande bly? Gaan<br>skoonma en skoondogter kry waarna elkeen van hulle smag? En sal Maria Magdalena,<br>die verstote hoenderhen en Sue se enigste vertroueling, ook haar tuiskoms<br>kry?</p>