Riviere in die wildernis

<p>In die oop ruimtes tussen sterre en swaartekrag sal jy Karlien vind waar sy<br>kaalvoet en sonder pretensie by die Here sit. Daar waar sy met Hom kan<br>gesels oor haar soeke en seer, want sy weet dat Hy gewillig en met deernis<br>luister.<br>Karlien vertel van haar kronkelpaaie van pyn en verlies en hoe sy deur die<br>jare daardie paaie gevleg met haar onwrikbare geloof gestap het. In hierdie<br>poëtiese teks vol beeldspraak en vloeiende kreatiwiteit gesels sy oor kwesbare<br>grepe uit haar lewe. Sy deel met die leser haar ondersoeke in die Woord,<br>die suiwer leringe van Jesus, sielvolle gedigte, lirieke en diep persoonlike<br>gewaarwordinge.<br>In Riviere in die wildernis leer ons Karlien ken soos nog nooit tevore nie.<br>In haar arms het sy al lewe, siekte en dood vasgehou en geleer hoe om, of die<br>Here nou gee óf neem, steeds &rsquo;n halleluja te sing.</p>