O Iphihletseng

Mma o hlokofetše ge ke fetša marematlou, tate a gana go nkiša sekolong, fela
ka fetša ke ile ntle le yena … tate o rekišitše dikgomo mola ka gae a re bolaiša
dikgakgaripane, megwapa ya dikgomo tšago ota ya go bola le moratha, fela re a
fepega … kgaetšedi le mogadibo ga ba šome, fela tate o rekelwa sellathekeng …
kgaetšedi o utswa dikgomo mola dikgomo tša tate di fela, fela lehodu la tšona ga se
yena … Yo mongwe o dira mošomo wo mobotse ka gare ga nyaganyaga ye, ka fao o
swanelwa ke go lebogwa, fela motho yoo ga a itšweletše … O iphihletšeng?
“Motswako wa maikemišetšo le leratorato ka gare ga bongame le tshegišo, di ngwadilwe
ka maatlakgogedi a go dira gore o phetle letlakala ka letlakala go fihla ka la mafelelo.”
Vicky Seja Moletja – Mogaši wa dipapadi wa Thobela FM, o realo ka diteng tša tiragatšo
ya Lesiba Maphoso.