Vir Josua het dit begin die dag toe hy deur die
weerlig getref is. Toe hy bykom, sien hy ’n engel.
’n Blonde engel met ’n laptop onder haar arm.
Wat hy nie kon sien nie, is dat Titania alles
behalwe so onskuldig is as wat haar engelagtige
voorkoms te kenne gee. Hy kon ook nie vermoed
dat sy tydelik by sy ouerhuis gaan intrek nie.
In dié tyd leer sy hom veel meer as net die
lewensgevaarlike speletjie wat hulle met
rekenaars en selfone speel.
Die verdrinking van Josua van Ed en is ’n
spanningsverhaal vir tieners wat ewe veel deur
hulle ouers geniet sal word. Die karakters –
tieners én grootmense – is oortuigend en realisties
uitgebeeld. En vir die eerste keer in die Afrikaanse
jeugliteratuur gee ’n meisie die pas in ’n
tienerverhouding aan …
