Ouma Mollie en die mensvreter

<p>“Die laaste een in die see is ’n bolletjie snot!” roep ouma Mollie.<br>Haar naam is Mollewania Mollewiekus Nagtegaal. Maar jy kan haar sommer net<br>ouma Mollie noem – die grootse moeilikheidmaker op Seeperdjiebaai.<br>Gelukkig hou Nina haar ouma (gewoonlik) uit die moeilikheid.<br>Vandag is egter nie een van daardie dae nie. Dit begin toe ouma Mollie soos ’n<br>verdrinkende meermin in die bad lê. Gou laai sy vir Nina en Blapsie, die basterbrak,<br>in haar kar, Spokie. Hulle sit af see toe. Dis waar hulle in GROTER<br>moeilikheid beland, want ouma Mollie wil mos leer surf. En sy wil die dolfyne<br>voer. En …<br>Nee, wag, jy moet maar self lees wat TOE gebeur.<br>Ai, as ouma Mollie net geluister het toe Simon Jantjies vir haar waarsku dat daar<br>’n HAAI in die water is.<br>Oepsie! Die arme haai …</p>